Maw Luu khua cu KIA, PDF, ABSDF le dothlennak phu hna nih an tuk I an lak

December 13 zinglei suimilam 2 tluk ah Sagaing ramthen, InnTaw peng, Maw Luu khua um kawl ralkap hna hmun an khuarnak palek sakhan telh in kawl ralkap hna cu KIA, PDF, ABSDF hna telh in dothlennak phukomh hna nih an tuk I zinglei suimilam 6 ah MawLuu khua cu an lak khawh tiah ABSDF chaklei phu in tuanvo neitu pakhat sin in kan theih khawh.

“Zinglei suimilam 2in kahdohnak kan thok I suimilam 6 ah MawLuu khua cu kan lak khawh dih. Zinglei suimilam 7 ah Jet Fighter in a rak kan kah. Bomb pahnih a rak thlak I pakhat cu a puak lo. Kan ralkap hna ai hliam mi an um lo” tiah ABSDF in tuanvo neitu pakhat nih a chim.

MawLuu khua cu kawl ralkap nih Jet Fighter in bomb a thlak pin ah hriamngan hna nih a kah peng. Mawluu khua chung hmunhma a tam deuh cu dothlennak phu hna nih hmunhma an lak dih I kawl ralkap umnak tiah cun sakhan pakhat lawng a tang cang. Cu caah kawl ralkap a biapi in hmun an khuarnak MawLuu palek sakhan cu an lak khawh caah MawLuu khua cu kan lak khawh nak a si tiah ABSDF nih a chim.

A tu lio caan ah cun palek sakhan chung ah kawl ralkap le palek ruak tampi kan hmun khawh I hriamnam zong tampi an lak khaawh. Kan van thianh hlimh dih in hmanthlak he mipi hmai ah kan rak chuahpi than lai tiah a chim chap. Mawluu khuami minung 10,000 leng himnak kawl in ral an zaam tiah kan theih khawh.

Sagaing ramthen chung ah KawLin, Khampat, ShwePyiAye khua hna cu dothlennak phu hna nih an lak khawh cang I a tu ah cun MawLuu khua zong an van lak chap cang.

 

 

Be the first to comment

Leave a Reply

Your email address will not be published.


*