NamSan palek sakhan in a zaam mi kawl ralkap le palek minung 40 tluk cu dothlennak phu nih an kah hna I an zapi ten an thi

Shan ramkulh chaklei, Namsan peng, Namsan palek sakhan cu TNLA nih a kah I a lak lio ah a zaam mi palek bawi Tun Soe Thein nih a hruai mi minung 20 phu khat le kawl ralkap Commando phu in ralbawi Kyaw Thu Htwe nih a hruai mi minung 20 tluk phu khat, kawl ralkap le palek an zapi te minung 40 tluk cu an zaam nak ah dothlennak phu nih an kah hna caah an zapi tein an thi tiah kan theih khawh.

December 11 zinglei suimilam 4 tluk ah TNLA nih Namsan palek sakhan cu a kah I a lak lio ah palek bawi Tun Soe Thein hruainak in a zaam mi minung 20 tluk phu le kawl ralkap commando phu in ralbawi Kyaw Thu Htwe hruainak in a zaam ve mi minung 20 tluk phu cu an vai I fonh I cu phukomh hna cu December 12 ni ah TNLA nih a kah than hna caah an zapi tein an thi tiah kan theih.

Cu lawng si loin nihin zing Namkhan khua um kawl ralkap hna sakhan cu sungh lo nak ding ah kawl ralkap nih vanlawng in an rak chiahpiak mi bawmtu minung 70 lak ah minung 25 zong TNLA he kahdohnak ah an thi I a tang mi hna cu an zaam tiah kan theih khawh.

 

Be the first to comment

Leave a Reply

Your email address will not be published.


*