Palaw in Palauk lei ah a kal mi kawl ralkap motor pathum cu bomb an puah i an motor mei an kang

December 12 zinglei suimilam 8:30 tluk ah Tanintharyi ramthen, PaLaw in Palauk lei ah kal ding in a rak chuak mi kawl ralkap an I cit mi motor pathum cu Palaw khua in meng 7 ai hlatnak ah dothlennak phu hna nih vawleitang phum mi bomb in an puah I kawl ralkap motor pakhat mei a kang I kawl ralkap minung 7 nak tlawm lo an thi tiah PDF Myeik District Battalion 1-P23401 in tuanvo nei tu pakhat nih a chim.

Kahdohnak a can hnu ah hliamhma a tuar mi kawl ralkap pawl a phurtu motor dang pahnih cu ThitHlaTaw khua an phak zinglei suimilam 9 tluk ah dothlennak phu hna nih bomb an puah than hna I kawl ralkap pawl hliamhma tuar mi an tam than, motor pakhat mei a kang than caah an chiah ta I an kal tak tiah kan theih.

Cu kawl ralkap pawl nih cun lampi cung ah dir in ai choklet mi motor pakhat cu an dir ter I a chung um mi mipi pawl cu an vuak hna hnu ah lampi ah thut ter in an motor cu an I cit I an kal tak hna tiah kan theih.

Kahdohnak chung ah kawl ralkap minung 10 nak tlawm lo hliamhma an tuar I a dikthliar cu hlathlai cuahmah lio a si, dothlennak phu hna lei in khawn dennak um lo tiah kan theih.