Khampat Ah Ralhraang Nih An Tlaihmi Lai Ralkap Ruak Hmuh

Khampat Ah Ralhraang Nih An Tlaihmi Lai Ralkap Ruak Hmuh a si tiah kan theih. Lairawn Khampat ah 2023 Dipa 5 zaan ah ralhraang nih lam hmuhsaktu ah an hruaimi Chin National Defense Force ralkap Salai Thawng Hu Lian ruak cu Dipa 13 ah zapi ralkap nih an hmuh.
Dipa 13 zan ah a ruak vui a si colh. Dipa 5 ah zapi ralkap 4 cu a hmun ah ralhraang nih an thah hna, Kan ram zalennak caah nunnak petu kan paralțha hna kan in siang hrim hna lo i kan in upat tuk fawn hna, a tangrih mi cu kan run pehzulh diahmah lai tiah CNO Upper Chindwin Region nih an langhter.
Khampat khua cu PDF le KIA le dothlennak phu hna fonh nih November thla ah kawl ralkap sakhan an rak lak khawh i NUG tawlrelnak tang ah a rak um. cu hnu ah kawl ralkap nih an fuh than i kahdohnak zong a fak cuahmah tiah kan theih. Khampat ah SAC ralkap nih an tlaih i an i kal pi hnu ah an va thah mi CNDF ralkap pakhat cu nizaan ah khan a ruak in kan hmuh tiah CNDF nih an langhter. December 5 ni ah khan Khampat khuapi luhnak hauka ah mizapi ralkap minung 7 hna cu SAC ralkap nih a thli tein an pel hna i antlaih hna. A hmun ah minung 4 an thah colh hna nain a dang 2 cu hliamhma he an zaam kho. CDNF ralkap Salai Thawng Hu Lian tu cu lam chimtu ah an i kalpi hnu ah a hngawng an tan i an thah tiah an langhter. Pasalttha Salai Thawng Hu Lian ruak cu December 13 ni ah an va hmuh i a zaan lila ah upatnak he an vui colh tiah an langhter chap. SAC ralkap nihhin Khampat khuapi cu lak ttham tim in an va nam len hna i Vanlawng he zong an i bawm len ko nain tutiang ahcun mizapi ralkap kut ah a um ko rih tiah theih a si.

Be the first to comment

Leave a Reply

Your email address will not be published.


*