Mandaly ramthen ah kawl ralkap 3 cu kahthah an tong, a nung in 2 an tlaih hna

Mataya peng ah SAC ralkap 3 an thi, 2 an tlaih hna tiah kan theih.

Mandalay ramtthen Mataya peng ah PDF nih SAC ralkap camp pakhat an luh hnawh hna caah kahdohnak a chuak i SAC ralkap a thi le hliamtuar an um tiah an langhter. December 12 ni zing sml 6 ah Coh Tta tta khua Phungki sianginn ah umhmun a khuar mi SAC ralkap hna cu TNLA le Mandalay PDF fonh nih an luh hnawh hna i kaphnih kahdohnak a chuak. Caan tlawmpal chung an i kah hnu ah kahdohnak hmunhma hliahnak an va tuah tikah SAC ralkap ruak 3 an hmuh, a dang 2 a nung in an tlaih hna, hliam a tuar mi an tam. Asinain Mandalay PDF in pasalttha pakhat nih ram le miphun caah a nunnak a pek. SAC ralkap nih an zaam tak mi MA 1 meithal zuun 4, Jammer pakhat, Laptop computer 1 le thilri dangdang an lak chih tiah an langhter.