Rakhine ram le Chin ram Paletwa ah AA nih kawl ralkap camp 140 an lak khawh cang

Operation 1027 ni 45 chung ah AA nih camp 140 renglo an lak cang tiah kan theih. Rakhine ram le Chin ram Paletwa ah AA nih SAC ralkap camp 140 renglo kan lak khawh cang tiah thawng an thanh.
October 27 ni in AA, MNDAA le TNLA nih operation 1027 an thok in December 10 ni tiang ah Rakhine ram peng dihlak ah AA nih kahdohnak a tuah hlei ah camp zei maw zat zong an lak. Chin ramkulh Paletwa peng ah a um mi SAC ralkap camp 17 bak an lak i Maung Daw peng ah a um mi Camp 62 an lak, Coh Daw peng ah camp 7 tiin peng kip ah a um mi camp an lak hna i Rakhine ram peng pakhat hmanh hrelh loin camp pakhat tal an lak dih.
Cucaah operatioan 1027 raldohnak an tuah mi ni 45 chung ah Rakhine ram le Chin ram ah a um mi SAC ralkap le palik camp 142 kan lak khawh cang tiah AA nih an langhter.
Hi camp vialte hna lak ahhin AA ralkap bak nih an va kah hna i an lak mi zong an um bantuk in anmah SAC ralkap nih kahdohnak um hleng loin an chuah tak mi camp zong zei maw zat pi a um ve tiah an langhter chap. Chaklei unau 3 hna nih Operation 1027 an tuahnak Shan ram chaklei ah Rakhine ram chung ah camp an lak mi dihlak fonh ah camp 422 a tling cang i khuapi 7 an lak khawh cang tiah theih a si.

Be the first to comment

Leave a Reply

Your email address will not be published.


*