Chin ramkulh Paletwa peng ah AA le Kawl ralkap an i kap

Sa Mi khuapi ah AA le SAC ralkap kahdohnak a chuak tiah kan theih. Chin ram Paletwa peng Sa Mi khuapi ah Arakan Army le SAC ralkap pawl kahdohnak a fak tiah theih a si.
December 14 ni ah kan Chin ram Sa Mi khuapi ah Rakhine hriamtlai AA le SAC ralkap karlak kahdohnak fak a chuah caah tualchung mi hna cu ahimnak hmun ah an zaam hna tiah theih a sin. Sa Mi khuapi chung Leih Kung sang ah a um mi SAC ralkap minung 20 hrawng cu Rakhine hriamtlai AA nih an va kah hna caah kaphnih karlak Suimilam 1 chung hrawng kahdohnak a chuak.
Kahdohnak ah kaphnih in a thi le hliamtuar an um zumh a si, asinain a cipciar in langhter mi a um rih lo. AA nih cun Paletwa peng ah a um mi SAC ralkap camp lian bak mi pahnih cu December 4 le 11 ni ah tlamtling tein a lak hna hnu ah Paletwa peng Sin Let Wah khua SAC ralkap camp zong a nam tthan hna caah kahdohnak a fak ngai in a chuak tiah theih a si.
Chin ramkulh, Paletwa peng, Sami khuapi chung ah SAC ralkap le Rakhine ralkap AA cu nizan December 14, zinglei ah an i kap i kaphnih kar kahdohnak a fak, tiah tualchung mi nih a chim.
Nizan December 14, zinglei ah Sami khuapi Leikkone sang ah ralkap thazaang 20 hrawng nih umhmun an khuarnak SAC ralkap sakhan cu Rakhine ralkap AA nih an kah i suimilam pakhat chung hrawng kaphnih kar kahdohnak a fak, tiah an chim.
Cu kahdohnak ruang ah Sami khuapi tualchung mi cu a himnak hmun ah an zaam hna, tiah theih a si.
Paletwa peng, Shinletwa ralkap sakhan zong Rakhine ralkap AA nih a luancia December 11 ni ah an rak kah i kaphnih kar fak ngaiin kahdohnak a chuak.
A luancia zarh chung ah Paletwa peng chung SAC ralkap nih biapi ngai ah an chiahmi sakhan áš­ha ngaimi pahnih Taronai Byuha sakhan le Hnonbu Byuha sakhan cu Rakhine ralkap AA nih an laak. A taang rihmi ralkap sakhan vialte zong laak kan i tim, tiah AA nih an thanh.

Be the first to comment

Leave a Reply

Your email address will not be published.


*