MoeKaung khua ah cycle ai citmi mipi pakhat cu kawl ralkap nih an kahthah

December 11 chun suimilam 12 tluk ah Kachin ramkulh, MoeKaung khua ah cycle in khual a tlawng mi mipi pakhat cu kawl ralkap an I cit lio mi motor he an I hnur sual caah motor chung um kawl ralkap nih an meithal in an thih pheih I cycle ai cit mi pa nih cun a ttih caah cycle in a zaam. A zaam lio ah kawl ralkap nih motor in a dawi I a cycle cu an pah caah a ttih I hlei cung in tiva ah a zuang i tiva ai lio cuahmah lio ah kawl ralkap pawl nih meithal in an kah I a nunnak a liam tiah kan theih khawh.

“Moe Kaung palek sakhan ah hmun a khuar mi civil thuam I hruk in motor he ai chok mi kawl ralkap pawl nih hlei cung in a zuang I an kah mi mipi pakhat cu a nunnak a liam colh. Cu ti an kah thah hnu ah kawl ralkap pawl nih zatlang bu pawl phone an chonh hna. A rauh hlan ah zatlang bu an rak phan I kawl ralkap pawl zong hlei cung in an rak tum I zatlang bu pawl cu phone hman an sianh hna lo. Mi an thah mi thuh phenh duh ah a si” tiah khuami pakhat nih a chim.

 

Be the first to comment

Leave a Reply

Your email address will not be published.


*