Ral  dohnak ah kal a duh lo mi kawl ralkap cu thong an thlak than hna

A luancia mi amyotha neh (national day) ah kawl ralkap hruaitu MAH nih ralkap chung in a rian a zam tak mi le ralkap a tuan chung ah sualnak a tuah mi thongtla tam pi cu luatnak an pek hna I thonginn in a chuah hna tiah kan theih.

Thonginn in chuah mi kawl ralkap mi sual pawl hi kawl ralkap nih kahdohnak a umnak tlangcung ram ah an kuat hna. A cheu khat cu raltuk ah kal an duh lo caah a phunphun in an el. Mah bantuk ralram ah kal a duh lo mi thongtla a luat mi cu kawl ralkap nih thong inn ah an khumh than hna tiah kan theih.

Kawl ralkap cu tlangcung ramkulh kip ah kahdohnak ah a sungh tuk caah a ralkap tam tuk an thi. Cu caah vawleicung phung ah a um lo mi ralkap thongtla pawl chuah in an rian thing ah rian an tuan ter hna. Asinain a cheukhat ralkap nih raltuk cu an tih tuk caah an zam. A zam kho lo mi an tlaih than mi cu thonginn ah an tla than tiah kan theih. kahdohnak hmun ah kal ngam lo in a tih tuk mi kawl ralkap cu hramhram in ralram ah kal ter an si. Ralram an phak bak in dothlennak phu sin ah hriamnam a chia I aa ap colh mi kawl ralkap zong an um tiah kan theih.