Kawl ralkap nih a cawkthar mi Russia vanlawng cu hman a timh cang

SAC ralkap nih Russia sin in an cawk mi Fighter Jet 2 hna cu thli ralkap kut ah a pek cang hna caah ram chung buainak ah hman a timh tiah an langhter.

Russia nih ai uan tuk mi le vawlei cung ram kip sin ah a zuar lengmang mi SU-30 fighter jet 2 cu December 15 ni ah Naypyidaw thli ralkap kut ah pekchanhnak an tuah i SAC ralkap bawi vialte an kai hna tiah an langhter.

SU-30 Fighter Jet 2 cu Myanmar mizapi a phomh cuahmah tu SAC ralkap pawl nih an hman cang lai caah ramchung buainak zongah mizapi bomb thlaknak ah hman an timh cang tiah ralkap chung thawnghram nih an langhter.

SU-30SME fighter jet hi Russia Sukhoi company nih a ser mi a si i, thli lak kahdohnak ah siseh, tang kahdohnak zong ah biatak tein hman khawh mi a si i, lamchimh khawh mi bomb le bomb ttha ttha tampi ai phurh kho tu a si i minung 2 nih khalh mi a si hlei ah Suimilam 1 chung ah 2120KM a zuang kho mi a si.

Kum 2018 lio ah khan Min Aung Hlaing hruai mi ralkap nih US dollar 204 miilion dih in 6 bak an rak order mi a si. Tutan ah Min Aung Hlaing le a kuttang bawi pawl nih an ralkap hna sin ah an pekchanh mi 2 hna hi kan hnung kum ah phan thar mi an si tiah theih a si.

 

Be the first to comment

Leave a Reply

Your email address will not be published.


*