Chin ramkulh Paletwa peng Sami khua kahdohnak a fak caah khua mi an dihlak deng in khua an chuah tak

Chin ram kulh thlanglei Paletwa peng ah a um mi Sami khua ah a um mi kawl ralkap cu dothlennak phu hna nih an kah hna caah kahdohnak a fak cuah mah I Sami khua mi an dihlak dengmang in an khua an chuah tak I a himnak ah a zam cang tiah kan theih.

Paletwa peng sami khua hi Rakhine hriamtlai AA nih December 14 lio tein kahdohnak tuah hram an thok I tuni December 17 tiang ahcun kahdohnak a fah caah khua mi chung in an dihlak dengmang in a himnak ding an khua kiangkap ah ralzam sinak in an I dor hna hi a si.

Sami khua hi Innchungkhar 6000 renglo an um pin ah khuami minung 30,000 leng khuasak nak khuapi a si. Hi tluk a tam mi khua mi hna cu kahdohnak ruang ah a himnak ah an dihkak ti awk in an khua an chuah tak hi a si tiah kan theih. AA nih a luancia December thla hramthok ah kawl ralkap caah a biapi mi kawl ralkap sakhan 2 cu Paletwa peng chung ah an lak khawh cang pin ah Sami khua a ning piin lak khawh nak ding caah kahdohnak fak chinchin in an tuah hi a si.

Be the first to comment

Leave a Reply

Your email address will not be published.


*