Kawhmu peng ah palek pakhat dothlennak phu thawngpang hlat ding in a chuah lio ah an kahthah

Yangon ramthen, Kawhmu peng, KyeikHtaw khua palek sakhan ah hmun a khuar mi palek pakhat cu dothlennak phu hna an thawngpang hlat ding in mipi thuam he a leng a chuah lio ah dothlennak phu hna nih an kah thah tiah Kawhmu PDF sin in kan theih.

December 17 zinglei suimilam 11:25 tluk ah KyeikHtaw khua palek sakhan ah hmun a khuar mi palek palek pakhat Tin Moe Zaw @ SaMai cu mipi bantuk in dothlennak phu hna an  thawngpang a hlat cuah mah lio TaLaukHtaw khua le Inyaachaung khua kar lak ah Kawhmu dothlennak phu hna nih meithal in an kah I a hmun ah a thi colh tiah kan theih.

A thi mi Tin Moe Zaw hi dothlennak phu ralkap hna, an chungkhar hna checkhlat hna ah a biapi ai tel ve mi pakhat a si ve I khua chung ah 2D, 3D, Ar sand ter, Phe kah nak phu tibantuk thap celhnak pawl cu on nak nawl a pe I mah hna sin in tax hal in tangka a ei tu pakhat zong a si tiah kan theih khawh.