Falam ah CNDF le kawl ralkap karlak ah kahdohnak a fak

Falam khuapi chung kahdohnak ah SAC ralkap 1 thi tiah kan theih.
Falam khuapi chung ah a um mi SAC ralkap le palik hna cu CNDF nih an va lu hnawh hna i an kah hna caah ralkap a thi le hliamtuar an um tiah the Rihli Voice nih a chim.
Falam khuapi Cinmual sianginn pawngkam ah a um mi SAC ralkap hna cu chun sml 10 hrawng ah CNDF nih an luh hnawh hna i an kah hna caah kaphnih karlak kahdohnak a chuak. Cu hnu sml 1 hrawng zongah an kah tthan hna caah SAC ralkap bawi pakhat a lubik ah an khen caah a nunnak a liam tiah theih a si. A thi mi pa ruak cu a zawnh in an zawnh i Palik camp ah an luh pi, cu pa cu ralbawi a si rua, a tai ah Pistol an thlaih mi kan hmuh tiah mit in a hmutu hna nih The Rihli Voice sin ah an chim. Kahdohnak ah he pehtlaiin thilsining cipciar in langhter mi zei hmanh a um rih lo.

Be the first to comment

Leave a Reply

Your email address will not be published.


*