Monywa ah kawl ralkap 2 cu kahthah an tong

Monywa khuapi chung kahdohnak ah SAC ralkap 2 thi tiah december 18 ah kan theih. Sagaing ramtthen Monywa khuapi chung ah SAC ralkap le Pyu Saw Htee pawl an i pumhnak hmun ah kutceh bomb in an doh hna caah a thi le hliam tuar an um tiah Golden Eagle force-Monywa nih an langhter.
Monywa khuapi sangpakhat ah umhmun a khuar mi le industirial zone ah hmun a khuar mi SAC ralkap hna cu December 16 ni zaan sml 7 ah khan PDF ni kutcheh bomb in an va cheh hnawh hna. Cun a thaizing Decembe 17 ni zing Sml 8:30am zong ah No. 16 infantry battalion ralkap bu camp chung ah kutcheh bomb in pakhat an hei cheh hnawh tthan hna caah SAC ralkap minung 2 an thi, hliam a tuar mi an tam tiah an langhter.
Kahdohnak a tuahtu hna cu Golde Eagle Force -Monywa le Monywa UG phu hna an si. Khuapi chung bak ah kahdohnak tuah ko hna hmanh sehlaw PDF lei in aho hmanh hliamtuar um lo in him tein hnu an pil kho hna. Hi hnu zongah khuapi chungah kahdohnak kan tuah tthan lai caah SAC ralkap he naihniam ah um lo ding in ralrin peknak zong an langhter chih.

Be the first to comment

Leave a Reply

Your email address will not be published.


*