NyaungShwe peng ah Pyusawhti pahnih cu an kahthah hna

December 16 zaanlei suimilam 6 tluk ah Shan ramkulh, NyaungShwe peng, Inlay ram MinChaung khua nitlak lei ah kawl ralkap caah phaisa kholh nak in a rak lawi mi Pyusawhti pahnih cu Min Chaung khua luh lampi cung ah a ho si ti theih lo mi hna nih meithal in an kah hna caah a hmun ah an pahnih in an thi colh tiah khua mi hna sin in kan theih khawh.

An thah mi Pyusawhti pahnih hi kum 55 a si mi Aung Soe Lwin le Kyaw Hein hna an si. Hi hna pahnih hi kawl ralkap nih pek mi hriamnam I tlaih in khuami hna cu an hro cer hna I a ruang um loin a tlai I tangka a hal tawn tu an si. Cu lawng si loin hi hna pahnih nih hin kawl ralkap sin ah dothlennak phu hna thawngpang an pek tawn I kawl ralkap caah mipi a tlai I a thah piak tawn tu zong an si tiah kan theih.

Cu pyusawhti pahnih hna an ruak cu palek le kawl ralkap hna nih NyaungShwe khua mithi phur tu motor in an rak lak I an I kal pi tiah kan theih.

 

Be the first to comment

Leave a Reply

Your email address will not be published.


*