Matupi peng Thaiboi kawl ralkap sakhan cu dothlennak phu hna nih an lak cang

Chin ramkulh, Matupi peng chung ah a ummi Thaiboi khua SAC ralkap sakhan cu nihin December 19 ah Chin hriamtlai phu nih an laaknak kong cu CDF Matupi in ṭuanvo ngeitu pakhat nih Matupi Times ah a chim.
Thaiboi SAC ralkap sakhan cu CDF Matupi hruainak in CDF Lautu, CDF Mindat le CNDF hna i bawm in December 18 ah an kah, tiah theih a si.
Thaiboi SAC ralkap sakhan laak khawh lo ding in vanlawng in kahdohnak an tuah ko nain kaphnih kar fak ngaiin ni khat chung an i kah hnu ah Chin hriamtlai phu nih an laak khawh.
SAC ralkap nih vanlawng in kahdohnak a chuah lonak hmun ah bomb an thlak i Vankai khuami 4 zong an nunnak a liam, tiah theih a si.
Hi kong he pehtlai in The Chin Post nih CDF Matupi lei ṭuanvo ngeitu pehtlaihnak a tuah ko hna nain lehnak a um rih lo.

Be the first to comment

Leave a Reply

Your email address will not be published.


*