Mizoram Palek Nih Sangau Khua Ah 125 Motorcycle Luhpi Sianh Lo

Mizoram palek, Sangau palek Station nih Sangau khuachung zapi hngalh dingmi cathanh an chuahmi ah 125 motorcycle luh sian lo nak kong zong an țial chih. Mizoram palek, Sangau palek Station nih cun ” Tu kum 2023 Christmas le Kum Thar lunglawm te’n caan kan hman khawhnakhnga zapi nih zulh dingmi kan thanh. Kanmah thatnak caah a si ti hngal cio dingin kan in nawl fawn hna. Hi cathanh a zullo mi le phungbuar mi cu phung bantukin hremnak pek an si lai, tiah an thanh.
Myanmar lei in Sangau khuachung ah Myanmar motor vehicle, 125 bike luhpi a ngah lo. Khuachung ah 125 Bike khalh a ngah lo. Rang tein (Over-Speed) Motor & Bi-Cycle khalh a ngah lo. Kumtling lo le license ngei lo nih Motor Vehicle, Bi-Cycle khalh lo ding a si lai. Cun kumtling lo maw Licence ngei lo a si ti thei bu in Motor/Bi-Cycle khalh tertu zong hrem a si lai. Lukhuh khuh lo in Bi-Cycle khalh lo ding a si lai. Nawlchuahmi a zullo i khuachung ah phunglo in Motor/Bi-Cycle khalh le phungzul lo an um cun palek phunglam in hrem an si lai tiah an langhter.
Phangphang siseh a puak kho mi thil hrimhrim zuar lo ding le puah lo ding, dawrngei siseh pumpak zong nih zuar lo ding, tlaih an si ah cun hrem an si lai.
Khuachung ah zurit buai, kiangkap mi caah mi hnahnok an um cun a herh ning in tlaih le an cung ah hrem an si fawn lai. Young Lai Association (YLA) siseh, khuatlang nulepa hna zong nih khuatlang himnak ding hmunkhat rianțuannak ah tangrual in kan dirkamh u, tiah Mizoram palek Sangau palek Station nih cathanh an chuah.

Be the first to comment

Leave a Reply

Your email address will not be published.


*