Rakhine ah AA nih Kawl ralkap 4 cu an kahthah hna

Rambe tikulh kahdohnak ah SAC ralkap 4 an thi tiah kan theih. Rakhine ram Rambe tikulh chung ah a um mi SAC ralkap hna cu AA nih an va kah hna caah minung 4 an thi tiah an langhter.
December 18 ni zing sml 8:13 ah Rambe peng Rambe tikulh chung ah SAC ralkap le AA karlak kahdohnak fak taktak in a chuak. Cu kahdohnak ahcun SAC ralkap nih Tilawng le Drone in heh tiah bomb an thlak hnawh hna hlei ah chun sml 12 hrawng ah Fighter Jet le Mi35 Helicopter 2 in bomb a thlak hna i sehmeithal zong in a kah hna. Cucaah Rambe khuapi chung innlo zei maw zat a kaang dih i tualchung mi pakhat nunnak a liam mi a dang minung 3 hliam an tuar tiah an langhter. Kaphnih kahdohnak ah SAC ralkap lei in minung 4 an thi, hliam a tuar mi an tam hlei ah hriamnam tor bak an lak piak fawn hna. Cun December 18 ni zaan sml 7 ah Poh Ttaw peng ah AA le SAC ralkap karlak kahdohnak a chuak tthan i Sittwe hrambunh No. 12 palik ralkap camp in hriamngan in heh tiah Poh Ttaw khuapi cu an kah tiah an langhter chap.

1 Comment

Leave a Reply

Your email address will not be published.


*