Shan ah kawl ralkap a tanh mi Pyu Saw Htee cu kahthah an tong

Shan ram ah phaisa khawlh a hmang mi Pyu Saw Htee 2 an kah thah hna. Shan ram Inlay hmunram chungah ah aum mi khuate kip ah a vak i phaisa a khawlh mi Pyu Saw Htee 2 hna cu an kah thah hna tiah theih a si.
December 16 ni zaan 6 ah Nguang Sui peng Inlay hmunram Min Chawng khua ah phaisa an khawlh dih hnu ah tlun ai thawh mi Pyu Saw Htee 2 hna cu lampi ah aho ti theih lo mi hriamtlai phu nih an kah hna caah a hmun ah an thi colh tiah an langhter.
Meithal kahnak in a thi mi Pyu Saw Htee 2 hna hi SAC ralkap nih an pek mi hna meithal i ken in khua kip ah an vak i khuami hna cu an hrocer hna, anhrem hna, phaisa an khawlh hna. Cun PDF thawngpang petu zong an si i, SAC ralkap i sawm riangmang in mi a hremtu le a that tawntu an si tiah an langhter.Athi mi Pyu Saw Htee hna 2 ruak cu SAC ralkap le palik nih mawtaw he an rak lak hna i Ngyuang Sui khuapi ah an kal pi hna tiah an langhter chap.

Be the first to comment

Leave a Reply

Your email address will not be published.


*