Bung Zung sakhan in a zaam mi kawl ralkap 2 cu an kahthah hna

Bung Zung sakhan in a zaam mi kawl ralkap 2 cu an kahthah hna tiah kan theih.

Hakha peng Bung Zung camp lak kahdohnak ah camp chuah tak in a zaam mi SAC ralkap hna cu lampi ah an rak kah hna caah a thi le hliamtuar an um tiah an langhter. December 18 ni ah Chin ralkap nih Bung Zung camp cu tlamtling tein an rak lak. Cu camp lak kahdohnak ahcun SAC ralkap minung 8 an thi, an camp commander pa telh in minung 6 a nung in an tlaih hna i, a dang minung 24 tluk an zaam hna.

Cu a zaam mi chung in minung 17 hna cu Gangaw peng chungah an lut i Keruk ngei mawtaw in Gangaw lei panh in an zaam hna timi thawng a thei tu PDF-Gangaw nih leklak an rak bawh hna i an kah h na caah minung 2 an thi, a dang minung 5 hliam an tuar tiah an langhter. Bung Zung camp cu CNA, CDF-Hakha, CDF-Thantlang le CDF-KKG nih December 17 zaan in Drone in bomb an thlak hnawh hna i December 18 ni chun sml 12 ah tlamtling tein an lak khawh tiah theih a si.

Be the first to comment

Leave a Reply

Your email address will not be published.


*