Paletwa ah kawl ralkap hriamngan ruang ah khumi minung 3 an nunnak a liam

Chin ramkulh, Paletwa khua chung ah hriamngan kuan a tla i tualchung mi pathum hliam an tuar pinah inn cheukhat zong a rawk, tiah tualchung mi hna sinin theih a si.

Nizan December 19 deilei suimilam 1:00 hrawngah Paletwa khuapi Myoma sang um Biakinn hnulei i inn pakhat pawng ah hriamngan kuan cu a tla i minung pathum hliam an tuarnak le inn pakhat a rawhnak kong min langhter a duh lomi pakhat nih Zalen ah a chim.

December 19 deilei ah Khah Lah Yah 289 Battalion SAC ralkap le AA cu hriamngam in kaphnih in an i kap. Hriamngan kuan ruangah hliam a pumi hna cu an hliamhma kong ah thinphan ding a um lonak zong a chim chap.

Hriamngan an kahmi hi SAC ralkap nih an kahmi maw a si AA nih an kahmi dah a si ti cu tualchung mi hna nih an hngal kho lo. Hliamhma tuarmi hna cu Paletwa sii-inn ah rian a á¹­uanmi pakhat le sianginn sayamah pahnih an si, tiah theih a si.

December thla chung ah Paletwa khua chung ah hriamngan khua voi thum a tla cang i minung 4 hliam an tuar pinah inn 3 le sipin zung cheukhat an rawk, tiah theih a si.

 

Be the first to comment

Leave a Reply

Your email address will not be published.


*