Shan ramkulh thlanglei ah a um mi kawl ralkap sakhan cu KNDF nih an lak

Phe Khung peng SAC ralkap camp PDF fonh nih an lak tiah kan theih.
Shanram thlanglei Phe Khung peng Sawn Nan Khe khua ah a um mi SAC ralkap camp cu KNDF le PDF fonh nih an luh hnawh hna i kaphnih karlak kahdohnak fak taktak in a chuak. December 11 ni zing sml 8:52am ah Sawng Nan Khe khua ah a um mi SAC ralkap camp cu KNDF le PDF fonh nih operation 1111 min bunh in an va luh hnawh hna i kaphnih karlak kahdohnak a chuak. Cu kahdohnak ahcun camp sunghlai a phangtu mi SAC ralkap nih miakpi in voi 92, Vanlawng in voi 12 bak a bawmh ko hna nain camp cu mizapi ralkap fonh nih an lak khawh tthiamtthiam tiah theih a si.
Kahdohnak ah SAC ralkap a thi le hliamtuar zat siseh hriamnam an lak mi zat zong official in langhter mi a um rih lo.
Kahdohnak a tuahtu na cu MB PDF, PK PDF, KNDF, Urban Revolutionary Fornt, SSRY, le IPDF hna an si. Operation 1111 hi Mobye le Phe Khung hmunram chung ah a um mi dothlennak a tuahtu ralkap fonh hna nih November 11 ni in an rak thok mi raldohnak a si i Mobye le Phe Khung ram chung ah a um mi SAC ralkap camp zei maw zat an lak cang i a tang mi SAC ralkap camp hna zong biatak tein an nam cuahmah lio a si tiah an langhter chap.

Be the first to comment

Leave a Reply

Your email address will not be published.


*