Kuki Chin Ruak 87 Hmunkhat Ah Vui tiah kan theih. Biangreithlep 3 thawk in miphun le miphun kar buainak a chuahnak Manipur ram buainak ah fakbik tuarnak Churachandpur pengkomh (District) ah cawnnithumni ah khan minung 87 thahmi ruak cu hmunkhat ah an vui hna.
Hi vuinak caan hi humhimnak tha taktak tuah a si hnuah kalpi a si. Zarhpizan ah khan kaphnih kar buainak a chuah ruang ah Section 144 phuan a si fawn.
Nunnak liammi 87 vuimi hna hi Kuki Chin an si dih hna. Thla zeimaw chung mithi chiahnak i chiah an si hnuah vui an si. Vui khawh an si lo ruangah buainak hi a linsa ngaingai.
Thlazei maw zat liammi ah khan Kuki Chin nih Churachandpur le Meitei pawl an tamnak pengkomh Bishupur i ritnak ah hmunkhat ah vui an timh hna asinain boruak a linsa ngai.
Cacawn nikhatni ah khan Churachandpur pengkomh Thingkangphai hmuntin ah buainak a chuak.
Chaklei ramkulh (State) ah hin Meitei nih Schedule Tribe (ST) Status ngeih an duh ruang ah buainak a chuak. Kuki Chin he an buai . Thahrum hmang cawlcanghnak ruang ah nunnak liam an tam chin lengmang i har tong zong an tam.
Leave a Reply