Shan ramkulh Kokang ramchung ah ram mi minung 65 an nunnak a liam

Kokang Hmunram Chung Ah Tualchung Mi 65 Nunnak Liam tiah kan theih. Shan ramkulh chaklei, Kokang hmunram ah 1027 Operation chung ah tualchung mi 65 an nunnak a liam, tiah Kokang ralkap MNDAA nih nihin December 28 ah an thanh. hi tin ram mi a nunnak a liam mi hi kawl ralkap nih an kah mi vanlawng le bomb ruang ah a si tiah kan theih.
Sualnak ngei lo tualchung mi a thimi hna cu SAC ralkap hriamngan ruang ah a thimi an si i minung 66 nih hliam an tuar. December 26 ni ah SAC ralkap hriamngan kahnak in Lauktonekote khua tualchung mi pahnih zong an nunnak a liam, tiah MNDAA nih cun an langhter.
December 25 ni zong ah Kokang Tonechain sang chung Hoang Kum Hotel pawng ah SAC ralkap nih hriamngan an kah ruang ah tualchung 8 an thi i minung 25 hliam an pu.
MNDAA telh in chaklei hriamtlai phu thum hna nih 1027 Operation an kalpi thla hnih chung ah Shan ramkulh chaklei khuapi 9 an laak khawh i Operation kahdohnak chung ah ralkap nih hriamngan le raltuknak vanlawng an hman ruang ah Shan ramkulh hmunkip in tualchung mi 130 leng an nunnak a liam cang, tiah an thanh.

Be the first to comment

Leave a Reply

Your email address will not be published.


*