Shan le Kaya ramri ah a um mi kawl ralkap sakhan cu dothlennak phu nih an lak

Shan ramkulh le Karenni ramkulh ramri Pekon peng chung SAC ralkap sakhan pahnih cu tualchung hriamtlai ṭangṭi phu nih an laak i hriamngan telh in hriamnam dang tam ngai zong an laak khawh, tiah Moebye-Pekon Operation ah ṭuanvo ngei pakhat nih Khit Thit Media ah a chim.

A luancia December 23-25 ni tiang Karenni ramkulh, Pekon peng chung Shwepyiaye le Lwaipata SAC ralkap sakhan cu tualchung hriamtlai ṭangṭi phu nih an kah i an laak khawh. Cu pin ah ṭangṭi phu hna nih Pekon khuapi luhchuahnak lampi vialte zong an uk dih cang i atu lio boruak ah cun Pekon khuapi chung ah tualchung mi lutchuak rih lo ding in ralrin peknak he nawlnak zong an tuah hna.

Cu sakhan kahdohnak ah cun tualchung hriamtlai ṭangṭi phu hna nih hriamngan telh in hriamnam dang tam ngai zong an laak khawh, tiah theih a si.