Laukkai Peng ah kawl ralkap Minung 3,724 Nih Hriamnam An Chiah

Shan ramkulh chaklei, Laukkai hmunram chung um SAC Regional Operations Command hmunpi (Dah-Kah-Sah) ummi nih an ningpi in an hriamnam an chiah i, Dah-Kah-Sah chungtel ralkap, Pyituhsit, zung rianṭuan hna le an chungkhar pawl cu kal an duhnak hmun cio ah an kal khawh nakhnga MNDAA nih an tawlrelpi hna.

Hriamnam chiah in aa ap mi ralkap, ṭuanvo ngei bawi cheukhat, Pyituhsit le zung rianṭuan hi an dihlak ah minung 3,724 an si, tiah ṭuanvo ngeitu nih an chim.

Dah-Kah-Sah chungtel hna nih an hman lio mi motorcycle le motor 311 zong an ap hna pin ah hriamngan telh in hriamnam dang phun tampi zong MNDAA sin ah an ap, tiah theih a si.

SAC nih an chuahmi thanhca no. 3/2024 ning in Chinram chung Union Solidarity and Development Party (USDP) palai hna telh in minung 17 cu SAC nih thiamhlei minṭhatnak laksawng cu nizan January 4 ah an pek hna.

SAC Chairman General Min Aung Hlaing nih cun 2008 phunghrampi ser tonpumhnak ah biapi in aa telmi palai pawl cu atu bantukin thiamhlei minṭhatnak lalsawng kan pek hnanak a si, tiah a chim.

SAC nih thiamhlei minṭhatnak laksawng an pekmi hna ramkhel rianṭuan minung 279 chung ah Chinram in USDP palai hna telh in minung 17 cu minṭhatnak laksawng pekmi ah cun an i tel ve.

 

 

Be the first to comment

Leave a Reply

Your email address will not be published.


*