kawl ralkap bomb ruang ah khampat ah a thi mi minung 17 an si cang

SAC Ralkap Nih Bomb Thlak Ruangah Kanan Khua Nunnak A Liammi Minung 17 An Phan tiah  8 January 2023 ah kan theih. Tamu peng, Khampat khuapi pawng Kanan khua ah SAC ralkap nih Fighter in nizan January 7 zing suimilam 10:30 tluk ah bomb lung 4 a thlak i ngakchia telh in minung 17 an nunnak a liam.
SAC ralkap Fighter nih hin Kanan khua cacawnnak sianginn pawng le St. Peter Baptist Church pawng ah bomb a thlak. Khua mi hna cu Biakinn ah Pathian thangṭhatnak an tuah lio a si caah hliamhma pumi zong an tam, tiah theih a si. SAC ralkap Fighter nih bomb a thlak lio ah hin sianginn hmai pumpululh certual ah pumpululh a chuih mi ngakchia zeimawzat an um i, kutke a bul mi le hliam tuar mi minung 30 tluk an phan. A thi mi minung 17 ruak cu January 7 zanlei ah an vui colh hna, tiah tualchung mi hna sinin theih a si. Kanan khua pawng Khamtpat khuapi cu tualchung hriamtlai phu nih an laak mi a si i Kalay-Tamu lampi, India ramri ah a ummi khuapi a si.

Be the first to comment

Leave a Reply

Your email address will not be published.


*