KIA nih kawl ralkap sakhan an lak khawh cang

Hpakan Peng Gwihka Byuha Sakhan KIA Nih An Laak tiah kan theih.
Kachin ramkulh, Hpakan peng Gwihka SAC ralkap Byuha sakhan cu Kachin Independence Army (KIA) nih nihin January 20 zinglei ah a ningpi in an laak hnu ah an khanghnak kong ral hmaikal nih an chim. Hpakan peng Gwihka Byuha sakhan cu nizan January 19 ah an kah i SAC lei nih vanlawng in kahdohnak an tuah caah a ningpi in an la kho lo nain nihin January 30, zinglei suimilam 7:00 hrawng ah a ningpi an laak hnu ah an khangh, tiah theih a si.
Hpakan peng Gwihka Byuha sakhan laak a si hnu ah a zaam mi SAC ralkap pawl cu KIA nih an dawi hna i kahdohnak ah ralkap thi zat le hriamnam laak zat cu hnu ah kan thanh te lai, tiah KIA nih an chim. Kachin Independence Army (KIA) nih nizan January 19 ah Mansi peng SAC ralkap sakhan pakhat an laak i cu sakhan kahdohnak ah cun SAC ralkap pahnih an thih pinah minung 25 an tlaih hna.

Be the first to comment

Leave a Reply

Your email address will not be published.


*