Kalay in Falam ah motor a kal kho than cang lai

Kalay-Falam Motor Lampi Cu January 22 Ni Thawk In On Ṭhan A Si Cang Lai tiah kan theih.
Chinram lei kainak Kalay-Falam motor lampi cu thla hnih leng phihkhar a si hnu ah January 22 ni tawk in on ṭhan a si cang lai, tiah CDF CDM Siyin nih nihin January 21 ah an thanh. Ral ruang ah thla hnih leng phihkhar a si cang mi Kalay-Falam kalnak motor lampi cu CNA hruainak in tualchung hriamtlai ṭangṭi phu nih Taingen khua SAC ralkap sakhan an laak hnu ah hmunram thianhfelnak ngeih a si i, Kalay-Falam motor lampi kong he pehtlai in ṭuanvo ngeitu a si mi CDF CDM Siyin nih cun lampi on ṭhan a si lainak kong nihin January 21 ah an thanh.
Kalay-Falam motor lampi thla hnih leng phihkhar a si chung ah lungsau tein a kan hngak i nawl a zultu mipi nan cung le motor ngei le motor khaltu nan zate cung ah lunglawmhnak tampi kan ngei, tiah CDF CDM Siyin nih an lunglawmhnak an langhter chih.
January 22 ni thawk in khualtlawn khawh a si cang lai nain Meng 9, Kalay sianghleirun pawng hrawng ah SAC ralkap Checkgate a um caah khualtlawng mi vialte nih mahle phone cio ah dohthlennak he aa pehtlai mi thil zeihmanh chia lo ding in mizapi sin ah ralrin peknak tuah a si.

Be the first to comment

Leave a Reply

Your email address will not be published.


*