Kachin Ram, Manwungyi Sakhan Kahdohnak KIA Nih SAC Ralkap 200 Hrawng An Tlaih Hna tiah kan theih.
Kachin ramkulh, Siman peng Manwungyi sakhan kahdohnak ah KIA nih SAC ralkap 200 reng lo an tlaih hna i, tlaih a tong mi SAC ralkap hna cu UN upadi ningin kan tawlrel hna lai, tiah KIA nih an chim. January 21 zinglei ah KIA hruainak in KIA le ṭangṭi phu hna nih Manwungyi sakhan cu an kah i SAC ralkap cheukhat cu a zaam mi an um bantuk in sakhan chungah hriamnam a chia mi an um ve. A zaam mi hna zong ramri tiang an va dawi hna i hriamnam a chia ṭhan mi an um. An tlaih mi hna cu hriamnam chia duh lo mi, kahdohnak a chuah hnu in tlaih mi an si caah upadi ning in dantatnak kan pek hna lai, tiah an thanh.
SAC ralkap hna hi hmunkhat ah kan tlaih mi hna si loin an zaamnak le sakhan chung ah kan tlaih mi hna an si. Ralram ah tlaih mi an si caah upadi ningin dantat an si lai, tiah KIA lei nih an chim. SAC ralkap a zaam mi le tlaih a tong mi hna sinin KIA nih hriamngan, hriamhme le zen-kuam telh in hriamnam zun 200 leng an laak, tiah theih a si.
The thought-provoking post has me looking forward to more. It’s like the intellectual equivalent of a second date.
The unique viewpoints in The writing never fail to impress me. Insightful as always!
Adding value to the conversation, because what’s a discussion without The two cents?