Hsihseng peng SAC ralkap Khah-Mah-Yah 423 le Khah-Mah-Yah 424 Battalion sakhan cu PNLA nih an laak chap

Shan ramkulh thlanglei, Hsihseng peng SAC ke ralkap Khah-Mah-Yah 423 Le Khah-Mah-Yah 424 Battalion sakhan cu PNLA le ṭangṭi phu nih an laak chap i an laak cang mi Battalion sakhan, palik sakhan le SAC zung vialte ah Pa-O thantar an thlainak kong cu ral hmaikal nih an chim. Nizan January 24 chunhnu in Hsihseng khuapi chung ah kaphnih kar kahdohnak a chuah hnu ah PNLA le ṭangṭi phu nih Hsihseng peng Khah-Mah-Yah 423 Le Khah-Mah-Yah 424 Battalion sakhan, palik sakhan le SAC zung vialte cu an laak i Pa-O thantar an thlai hna, tiah theih a si.
“SAC ralkap sakhan le palik sakhan cu an laak a si cang nain khuapi a ningpi laak cu a si rih lo. SAC ralkap pawl cu vanlawng le hriamngan he nizan in nihin tiang kahdoh an bawmh hna i vanlawng in bomb voi 12 an thlak cang, nihin tiang Hsiseng peng chung ah kaphnih kar kahdohnak a dai rih lo,” tiah ral hmaikal nih an chim.

Be the first to comment

Leave a Reply

Your email address will not be published.


*