KTV Dawr in a lawi lio mi mino 5 cu kawl ralkap nih an thah hna

Mandalay ramṭhen, Myingyan peng ah Karaoke Television (KTV) dawr in zanṭik ah a ṭin mi mino 5 cu SAC ralkap nih a ruang um lo in an tlaih hna i an lu ah meithal in an kah hna, tiah Taungthar peng mizapi cawlcanghnak committee in ṭuanvo ngeitu pakhat nih Khit Thit Media ah a chim. January 27 zanṭim ah Myingyan peng, Magyithahhyar(ma ci ta hmia) khua pawng um KTV in a ṭin mi mino 5 cu zan ah a duty mi SAC ralkap he an i tong i, SAC ralkap nih an tlaih hna hnu ah an lu ah meithal in an kah hna, tiah theih a si. SAC ralkap kut in a thi mi mino 5 cu Taungthar peng Oktaiktaw khua mi Tin Myo Khaing(kum 19), Khaing Way Phyu(kum 25), Khant Chaw(kum 19,) Myat Thu(kum 19) le Taungthar khuapi No. 2 sang um Hmua Tar an si, tiah theih a si.