NCA min a thu mi PNLO cu chaklei hriamtlai tangṭi phu thum he ral an tu

Myanmar ram mi nih duh mi hramhram uknak a hram bongh le Federal Democracy rampi ser khawh nakding ah chaklei hriamtlai ṭangṭi phu thum he ral kan tu cang, tiah Pa-O National Liberation Army(PNLO) nih phungning tein thanhnak an tuah. Pa-O National Liberation Army(PNLO) cu rampi kahdaih hnatlaknak biahren NCA minsen a thu mi kan si bantuk in NCA minsen a thu mi vialte lakah biahren a zul bik kan si. Kum 8 chung NCA lamthluan kan zulh ko nain thil ṭha zeihmanh a chuak lo, tiah an langhter.
January 21 ah Shan ramkulh thlanglei, Sanphu khua ah SAC kuttang pyituhsit PNO le PNLA kar kahdohnak a chuak. Kahdohnak a zual lo nakding ah SAC he tonbiaruahnak kan ngei ko nain a tlam tling kho lo. January 22 zanlei ah SAC ralkap nih PNLO headquarter pawngkam um Nawtraw khua cu kahdohnak um loin vanlawng in bomb an thlak ruangah innlo zong an rawk, tiah PNLO nih cun an langhter. Atu lio dohthlennak hi miphun kar i remlonak in a chuakmi a si lo. Myanmar ramchung i a um mi dihlak he aa pehtlai mi a si. Hramhram uknak a dih i mizapi nih an duh mi Federal Democracy rampi ser nakding ca ah ral kan tu cuahmah, tiah an langhter chih.

Be the first to comment

Leave a Reply

Your email address will not be published.


*