CNDF, CDF-Mindat, ZFU Le MDF Cu CDF – Kanpetlet Nih An Fonh Hna

Chinram, Kanpetlet peng hrambunh Chin hriamtlai phu a si mi CDF-Kanpetlet Battalion 7 chung ah Battalion 5 nih raltuk le ramkhel lei ah Chin hriamtlai ṭangṭi phu a si mi CNDF, CDF Mindat, ZFU le MDF he kan ṭangṭi lai, tiah January 31 ah an thanh.
CDF Kanpetlet he ṭangṭi phu a si mi CNDF, CDF Mindat, PDF Zoland le MDF hna nih cun peng le khuate ah hrambunh in Federal phung thar in Chinram cozah ser ding in le tlukruannak a um mi Federal policy a chuah khawh nakding kan i zuam cuahmah, tiah an langhter. Chin hriamtlai phu unau thum cu a luancia 2023 December 30 ah Zomi Federal Union(ZFU/PDF-Zoland), Chin National Organization(CNO/CNDF) le Chin National Council (Mindat/CDF-Mindat) nih an rak dirh i MTC/MDF le CDF Kanpetlet nih an vun fonh ve hna.
Ramleng In Luhpi Mi Saram Zeimawzat Cu India-Myanmar Ramri Ah Nawlngeitu Nih An Tlaih
India-Myanmar ram, Mizoram ramkulh, Champhai khuapi pawng ah Myanmar ram in phorh mi tiah ruah mi saram pawl cu Assam Rifle le Forest department nih an tlaih, tiah theih a si. Assam Rifle le Forest department in ṭuanvo ngeitu hna nih cun Champhai khuapi DC Complex motor lam ah January 31 ah Mizoram mi pahnih sin in ramleng in luhpi mi saram cu an tlaih hna. Nawlngeitu nih an tlaih mi saram hna hi Solomon Cockatoo 10, Posque’s Parrot 2 le kinglang 16 an si, tiah theih a si. Saram an tlaih mi dihlak man hi Rupees sing 60 leng hrawng a si i tlaih a tong mi minung pahnih zong ṭuanvo ngeitu kut ah an um.

Be the first to comment

Leave a Reply

Your email address will not be published.


*