Maraland Territorial Council cu Chin hriamtlai phu unau thum(ZFU, CNO, CNC-Mindat) sin ah an i fonh

Maraland Territorial Council/Maraland Defence Force cu nizan January 30 ni thawk in Chin hriamtlai phu unau thum sin ah an i fonhnak kong nihin January 31 ah Maraland Territorial Council (MTC) nih phungning tein an thanh. Ramkhel le kahdohnak kong ah Zomi Federal Union (ZFU), Chin National Organization (CNO), Chin National Council (Mindat) cu a liamcia 2023 December 30 ni ah i fonh in Chin hriamtlai phu unau thum sinak cu phungning tein an rak thanh i ramchung ramleng mibu le pumpak he rianáš­uanáš­i in Democracy he aa tlak mi cozah ser an i timhnak kong an rak thanh. Chin hriamtlai phu unau thum nih an i tinh mi cu Maraland Territorial Council nih an lungtlinpi caah unau thum sin ah lut ve ding in voi tampi tonbiaruahnak an ngeih hnu ah Chin hriamtlai phu unau thum nih cun Maraland Territorial Council (MTC) cu nizan January 30 ni thawk in chungtel ah an khumh hnanak kong nihin January 31 ni ah phungning tein an langhter.
Rakhine Ramkulh, Kyauktaw Hrambunh SAC Ralkap Sakhan Cu AA Nih An Laak
Rakhine ramkulh, Kyauktaw hrambunh Khah Mah Yah 374 Battalion SAC ralkap sakhan cu AA nih nizan January 30 ah an laak i, Minbya khuapi hrambunh Khah Mah Yah 380 Battalion zong January 28 ah AA nih an rak laak cang, tiah theih a si. AA nih Kyauktaw, Myo O le Minbya khuapi ah a taang rih mi SAC ralkap sakhan laak khawh ding ah kahdohnak kan tuah cuahmah i cu sakhan vialte zong a rauh hlanah kan laak dih lai tiin AA nih an thanh. SAC ralkap nih Yanbye khuapi cu vanlawng le hriamngan hmang in an kah i Yanbye lei ah thazaang chap ding in a kal mi SAC ralkap le AA kar zong ah kahdohnak chuak in SAC ralkap tam ngai an thih pinah, hriamnam le zen-kuan hna zong AA nih an laak, tiah theih a si. Kyauktaw, Myo O, Monbya, le Rathedaung khuapi um SAC ralkap Battalion pawl cu AA nih pakhat hnu pakhat in an laak i kahdohnak zong a zual ngaingai, tiah theih a si.

Be the first to comment

Leave a Reply

Your email address will not be published.


*