Paletwa peng ah Captain pakhat telh in SAC ralkap a zaam mi 15 an tlaih hna

Chinram, Paletwa peng ah Captain pakhat telh in SAC ralkap a zaam mi 15 cu CDF – Daai nih an tlaih hnanak kong CDF – Daai in ṭuanvo ngei pakhat nih a chim. January 30 ni ah Chinram, Paletwa peng CDF – Daai uk mi hmunram chung ah a zaam mi SAC ralkap Division 11 Khah-Mah-Yah 217, Khah-Mah-Yah 376, Khah-Mah-Yah 538, Khah-Mah-Yah 220, Khah-Mah-Yah 219, Khah-Mah-Yah 38, Khah-Mah-Yah 587 le Khah-Mah-Yah 908 in Captain pakhat telh in minung 15 cu CDF – Daai nih an tlaih hna. CDF – Daai hmunram chung ah tlaih mi SAC ralkap 15 chung ah hliampu mi 5 an um i CDF – Daai nih ṭha tein an thlopbul hna, ralkap he aa pehtlai mi phunglam Geneva Convention he aa tlak ning in zohkhenh an timh hnanak kong zong CDF – Daai ṭuanvo ngeitu nih a chim.
CDF – Daai nih Daai hmunram chung ah thianhfelnak tuah an i timh caah tilawng in khualtlawn le chawlehnak cu nihin February 1-4 tiang tuah hrimhrim lo ding in mizapi sin ah ralrin peknak an tuah.
Hakha Khuapi In Palik Pakhat CDF- KKG Sin Ah Aa Ap
Chinram, Hakha khuapi in palik pakhat cu hriamnam in put in Chinland Defense Force, Kalay-Kabaw-Gangaw (CDF-KKG) sin ah aa fonhnak kong CDF-KKG Information Center nih phungning tein nihin January 31 ah an thanh. Hakha khuapi ah SAC kuttang ah palik a ṭuan lio mi pakhat cu G3 1 le kuanfang 232 i put in CDF-KKG sin ah aa ap caah ṭuanvo ngeitu nih tangka Ks sing 50 an pek i a himnak hmun ah an chiahnak kong CDF-KKG Information Center nih an thanh.

Be the first to comment

Leave a Reply

Your email address will not be published.


*