MDF nih CNF cu ralrinnak an pek hna

CNA Le Ṭangṭi Phu A Si Mi Chin Hriamtlai Pawl Cu MDF Nih Ralrin a pek hna tiah kan theih. CNA le ṭangṭi phu a si mi Chin hriamtlai phu pawl cu Mara hmunram chung in chuak dih ding ah MDF nih ralrin peknak cathanh an chuah. CNA, CDF – Mara, CDF – Paletwa, CDF – Thantlang, CDF- Zophei, CDF – Lautu le CDF-Senthang hriamtlai phu nih MDF sakhan cu February 1 ah drone in bomb lung 30 leng an thlakhnawh, tiah MDF nih an langhter.
An cathanh chung ah Federal rampi sernak ah NUG nih drone a pek mi hmang i MDF sakhan bomb an thlak mi cu kan lung a ṭha hrim lo. Cu pin ah Chin hriamtlai phu kar tukdohnak a si caah kan lung a ṭha hrim lo, tiah an langhter.
MDF cu Federal rampi ser dingin rian a ṭuan mi kan si pin ah mizapi khawndennak um lo dingin kan hrial. Chin hriamtlai phu kar buaibainak vialte zong a si khawh chung in kan hrial. CNF le ṭangṭi hriamtlai phu cu Mara hmunram in an chuah duh lo ahcun hmailei caan ah buaibainak a tam chinchin kho, tiah MDF nih cun an langhter.

Be the first to comment

Leave a Reply

Your email address will not be published.


*