Kawl ralkap nih Thailand ah condo a caw mi an tlaih hna ruang ah condo cawkzuarhnak a tlawm chin

Thailand ramchung ah a um mi condo a caw tu ramdang mi hna lak ah Russia an tam bik i Myanmar nih a pahnihnak in a zulhnak kong news media ah a hong kai hnu ah kawl ralkap nih Thailand ah condo a caw mi kawlram mi hna an hnu lei sining konglam chekhlatnak an tuah.

 

A cheukhat Thailand ah condo a caw mi hna cu kawl ralkap nih phaisa an hmuh ning cang an chek hna. Kawl cozah sin ah tax an pek le pek lo an chek hna I a cheu khat cu an tlaih hna. Hi thawngpang ruang ah Thailand ah condo a caw mi kawlram mi milu an tlawm deuh ngai tiah Thailand condo cawkzuarhnak lei a tuan mi nih an chim.

 

Kawl ralkap nih Thailand ah condo a caw mi hna an chekhlat I an tlaih hna nain kawl ralkap bawi Min Aung Hlaing a fale pahnih bel te cu condo an cawk mi kong he pehtlai in chekhlat an tong lo tiah kan theih.

Be the first to comment

Leave a Reply

Your email address will not be published.


*