Chinland Council ah Chungtel Thar Phu 4 an i Chap

Chinland Council ah Chungtel Thar Phu 4 an i Chap tiah kan theih. June 5 in 6 tiang an tuah mi a voi 3nak Chinland Council meeting ah Chin miphun dohthlengtu phu 4 cu chungtel thar ah cohlan an si, tiah Chinland Council nih theihternak a tuah.
Chinland Council chungtel thar ah cohlan mi hna cu Zanniatram People’s Organization, Kanpetlet Council, Thado Council le Mindat Council (temporary) hna hi an si.
A voi 3nak Chinland Council meeting ah palai 99 an kai kho i, runvennak kong, ramkhel kong le hmailei riantuan ding kong pawl ceihhmainak an ngei. Cu lawng si lo in Tonzaang le Tedim kahdohnak ah SAC ralkap nih hramhram in innkhanghnak le vanlawng bomb thlaknak a tuah ruang ah Biaknak lei inn tel in inn 70 leng an rawhral mi kong ah Chinland Council nih faak piin duhlonak a langhter i, innkangh hartong hna bawmh cio ding zong in forhfialnak a tuah. Mindat peng, Falam peng, Teddim peng, Kanpalet peng le matupi peng ah a um mi hriamtlai cheukhat bel te nih Chinland council ah an i tel rih lo tiah kan theih.

Be the first to comment

Leave a Reply

Your email address will not be published.


*