Rakhine ramkulh ah ralzam 500,000 caah bawmhnak a hau

Rakhine ramkulh chung ah 2023 November thla thok in Arakan army nih kawl ralkap an kah hna hnu in rakhine mizapi chung in inn le lo zam tak in ral a zam mi minung  chung in 500,000 leng cu ei din le a dangdang ah harsatnak tampi an ton caah bawmhnak an hau tiah AA nih an thanh.

 

Rakhine ramkulh ah AA nih kawl ralkap nih hmun an khuar khawh nak khuapi 10 leng an lak. A tang rih mi khuapi lak chap ding in kahdohnak an tuah cuahmah. Rammi hna zong nih AA nih an lak khawh cia mi khua hna ah rak I dor ding in thawng thanh nak an tuah I a cheu cu AA nih an lak cia nak khua ah an I dor hna. A cheu cu kawl ralkap nih khua in chuah an senh hna lo caah kahdohnak a um te lai tiah ruah mi khuapi ah ram mi tampi an I tap rih.

AA nih a lak cia mi khua ah ram mi an I dor nak ah kawl ralkap nih vanlawng in bomb a thlak lengmang caah rammi hna tampi hliam hma an tuar. Cun hi tin ralzam in a um mi hna nifatin khuasak tintuknak caah harsatnak tampi an tong. Hi hna bawmhchanh a hau mi cazin hi 500,000 leng an si tiah AA nih an thanh.

Be the first to comment

Leave a Reply

Your email address will not be published.


*