Kachin ram Wai Maw peng ah a um mi SAC ralkap camp 2 cu KIA le ttangtti phu nih an lak tiah Kachin thawnghram pakhat nih a langhter.
Wai Maw peng Sa Ni Khu khua ah a um mi ralhrang camp 2 cu KIA le ttangtti phu nih June 13 ni zaanlei sml 6 hrawng ah tlamtling tein an lak khawh tiah an langhter.
Man Si peng ah rallam a sial mi SAC ralkap hna zong KIA nih an rak bawh hna caah nithum chung kahdohnak a chuak cang. June 13 ni tiang kahdohnak ah KIA nih ralhrang Tank pakhat an hrawk khawh i ralhrang tor le cheng an thah cang hna tiah thawnghram pakhat nih a langhter ve.
March 7 in June 13 ni tiang Kachin ram chung kahdohnak ah KIA le ttangtti phu nih ralhrang camp lak kahdohnak an tuah nak ah SAC ralkap camp lian le hme fonh in camp 125 an lak khawh cang tiah an langhter. Cucaah SAC ralkap kuttang ah a rak um mi Luai Ze, Sin Bu, Suan Pra Bum, Sa Dung, le Myo Hla khuapi hna zong KIA nih cun tlamtling tein an lak chih hna.
Cu lawng hlah Kachin ram chung ah a biapi tuk mi Mawtaw lampi hna zong KIO/KIA nih an control dih hna tiah an langhter.
Leave a Reply