Mindat—Kyaukhtu Lampi Cu Caan Rikhiah In Hman A Ngah Ṭhan Cang

Chinram ramri Magway ramṭhen, Saw peng chung Kyaukhtu—Mindat motor lampi, Kyaukhtu—Saw motor lampi cu nihin June 14 ni thawk in, zinglei suimilam 6:00 – zanlei suimilam 7:00 tiang caan rikhiah lawng in hman khawh ṭhan a si cang tiah Gangaw pengkomh PDF Battalion 8/9 nih nihin ah an thanh.
Gangaw pengkomh Battalion PDF Battalion 8/9 nih an thanh mi ah cun, “Atu i kan thanh ni thawk in thawng kan thanh ṭhan hlan chung cu Kyaukhtu—Mindat, Kyaukhtu—Saw motor lampi cu zan suimilam 6:00 in zinglei suimilam 7:00 tiang cu hman hrimhrim lo ding, zualral in hman a herh mi nan um sual pingpang ahcun Gangaw pengkomh PDF Battalion 8/9 sin ah pehtlaihnak le theihternak nan tuah hmasa lai,” tiah an langhter.
Mahle umnak hmunram chung i ṭuanvo ngei hramtlai phu sin thawngthanh ta lo in caan rihkhiah mi lonh in Kyaukhtu—Mindat, Kyaukhtu—Saw motor lampi a hmang mi cu poipang le vanchiat nan i ton sual zong ah ṭuanvo kan in la hna lai lo, tiah Gangaw pengkomh PDF Battalion 8/9 nih an thanh mi ah an langhter.

Be the first to comment

Leave a Reply

Your email address will not be published.


*