Mizoram Ah Myanmar Ram Mi Pakhat Sin In Rupees Nuai 7 Leng Man Bing Raang(Heroin) An Tlaih

Mizoram Ah Myanmar Ram Mi Pakhat Sin In Rupees Nuai 7 Leng Man Bing Raang(Heroin) An Tlaih tiah kan theih.
Mizoram ramkulh ah rithaisii chekhlatnak a tuahtu Mizoram palik le Assam Rifiles nih nizan June 12 chun ah Myanmar ram mi pakhat sin in Rupees nuai 7 leng man bing raang(Heroin) an tlaih, tiah theih a si.
Nizan June 12, chun suimilam 12:20 hrawng ah rithaisii chekhlatnak a tuahtu Mizoram palik le Assam Rifiles nih motorcycle in Aizawl lei ah a kal mi Myanmar ram mi Ginsian Khawm Mung(kum 31) sin in sapiat bawm 200 chung ah rawn mi Heroin cu Saitual khua pawng lung laaknak hmun pakhat pawng ah an tlaih, tiah theih a si.
Mizoram palik le Assam Rifiles nih an tlaih mi Heroin cu 2.340 a rit mi a si i atu lio tangka in Rs 7,020,000 man a si. Ginsian Khawm Mung cu Tio kam Bulfek khua mi a si i amah he pehtlaihnak a ngei mi Aizawl mi Lalthansanga(kum 39) zong an tlaih, tiah theih a si.

Be the first to comment

Leave a Reply

Your email address will not be published.


*