“World Blood Donor Day” (WBDD) cu 2024 Pur 14 ah Mizoram State AIDS Control Society (MSACS), District Hospital Lawngtlai Blood Bank le Association for Voluntary Blood Donation (AVBD), Lawngtlai hna i bawm in Lawngtlai Bazar YLA Hall Committee Room ah hman a si.
Hi caan ah hin Lawngtlai Additional Deputy Commissioner Pi B. Malsawmtluangi nih khuallian in a hmanpi hna.
Hi caan hmannak hi AVBD Lawngtlai Executive Committee Member Tv. Vanlalzapa nih hruai in, Senior Adviser Rev. K. Lalchamliana Lai nih caanzarh a hman. Blood Bank le AVBD hna nih report an pek. Pumpak thi pemi mino le bu min in thi pemi lawmhpinak an pek hna. AVBD Secretary Tv. VL Hmangaihzuala nih lunglawmhbia chim in caankhar a si.
Hi caan ah hin Lawngtlai District ah pumpak in thi voi 50 leng pe cangmi 5 le voi 30 leng pe cangmi minung 30 sinah lawmhpinak roca pek an si. Nikum Pur 14 in tukum Pur 14 tiang ah Bu Khrihfabu in thi pe Lawngtlai Area Ṭhalai Kristian Pawl Coordination Committee (LAṬKP); Lairam Isua Krista Baptist Kohhran Central Ṭhalai Pawl, Government Lawngtlai College NSS; 3rd Battalion IR, Lawngtlai, PYD (Mizoram) Lawngtlai Pastor Bial le Assam Rifles, Lawngtlai hna sinah lawmhpinak roca pek an si.
Kum 2023 Pur le 2024 Pur thla chung District Hospital Lawngtlai Blood Bank nih thi unit 1,591 la in, cu lak ah unit 1,147 (72.10%) cu papek ngei lo in a herhmi kip hman ding in pek a si, unit 444 (27.90%) cu herhhai deuh pek an si. Thi unit 1,062 cu man lo thi peknak (voluntary blood donation camp) voi 40 tuahmi in hmuhmi a si. Hi chung ah hin Blood Bank lei in thi hi mizawfak herh caah District Hospital Lawngtlai ah unit 827, Lairam Christian Medical Centre & Hospital ah unit 613 le Christian Hospital Lawngtlai ah unit 75 pek an si.
Leave a Reply