Okpho Peng Ah SAC Le PDF Karlak Ah Kahdohnak A Chuak Ralhrang 7 An Thi, PDF 1 Nunnak Liam

Pago ramṭhen, Okpho peng ah rallam sialmi SAC ralhrang le mipi ralkap karlak ah kahdohnak a chuak i ralhrang 7 an thi, PDF 1 nunnak liam, tiah Thayarwaddy pengkomh PDF chung in ṭuanvo ngeitu pakhat nih Khit Thit Media ah a chim.

2024, June 13 zing suimilam 6:00 tluk ah Okpho peng ah rallam sialmi SAC ralhrang thazaang 60 tluk cu mipi ralkap nih bomb an puahhnawh hna hnu ah hriamngan le hriamhme he an kah hna, tiah theih a si.

Zing suimilam 6 in zanlei 1:00 tiang kaphnih karlak kahdohnak a chuak i ralhrang 7 an thi, midang 3 nih hliamfak an tuar, cu pinah mipi ralkap Ṭetkhuai 1 chung in ralkap 1 nih hliam a tuar i Gyobinguak Hero guerrilla group in 1 nih ram le miphun caah nunnak a peek, tiah theih chih a si. Cu ni ṭhiam zanlei suimilam 5:00 tluk ah SAC ralhrang pawl nih hriamngan he thazaang an chap caah dohthlennak hriamtlai phu hnu an pil Battalion 3801 Ṭetkhuai 1 YOMA (GBK) sakhan zong ralhrang nih an khangh piak hna, tiah an langhter.