A Ra Lai Mi Kum 2025 Ah Thimnak Kan Tuah Ṭhan Lai  tiah SAC ralkap bawi Min Aung Hlaing nih a chim

A luancia kum 2020 thimnak ah (NLD) party nih vote tampi hmu in teinak an rak hmuh nain vote dik lo a si tiah puh in SAC ralhrang nih hram hram in uknak an rak laak.

Uknak an laak kum 3 leng chung ah SAC ralhrang nih voi zeimawzat thimnak tuah ṭhan a si lai tiah an thawngthanhnak an tuah nain a ni le caan an langhter kho bal lo. 2024, June 15 lio i Meiktila khuapi chung um department rianṭuantu hna he tonbiaruahnak an ngeih lio ah a ra lai mi kum 2025 ah thimnak kan tuah ṭhan lai, tiah General Min Aung Hlaing nih a chim.

A ra lai mi 2024, October thla thawk in Myanmar ramchung ah milu relnak zong kan thawk colh lai, tiah a chim chap.