Saudi Arabia Ram Ah A Fakmi Ni Linhnak In Biaknak Lei Khualtlawng Jordan Mi 14 An Thi

Saudi Arabia ram ah a fakmi ni linhnak in biaknak lei he pehtlai in khualtlawng Jordan ram mi minung 14 an thi, tiah ṭuanvo ngeitu hna nih an chim. A fakmi ni linhnak ruang ah Jordan rammi minung 14 an thi cang, midang 17 konglam theih lo in an tlau, tiah Jordan Ministry of Foreign Affairs nih a chim.

Jordan rammi mitlau 17 hna cu pehzulh in kawl an si. Cu bantuk ṭhiam in biaknak lei he pehtlai in khualtlawng ve mi Iran rammi 5 zong an thi ve, tiah Iran Red Crescent nih a langhter. Saudi Arabia le nunnak liam mi chungkhar hna hnatlak nakin mithi hna ruak vui le an ram ah ruak kirpinak tuah a si lai, tiah Jordan Foreign Ministry an langhter chih.