India Ram Ah Tlanglawng Pahsualnak A Chuak I Minung 15 An Thi, Midang 30 Tluk Nih Hliam An Tuar

India chaklei hmunram ah thilri phor tlanglawng pakhat nih khualtlawng phortu tlanglawng a pahsual caah minung 15 an thi, midang 30 tluk nih hliam an tuar tiah theih a si.

Tlanglawng pahnih cansualnak ah minung 15 an thi i midang 30 tluk nih hliam an tuar, Palik le ṭuanvo ngeitu hna nih chanhchuahnak rian pehzulh in an ṭuan, tiah kan theih.

Khualtlawng phortu tlanglawng ah hin minung zeizat an i cit theihfian a si lo. A thi mi lak ah thilri phor tlanglawng khaltu le khualtlawng phor tlanglawng vengtu an thi ve, tiah an langhter.

Hi kong he pehtlai in Prime Minister Narendra Modi nih a ngaihchiat naak langhter in thil cannak hmun ah Ministry of Railways in ṭuanvo ngeitu pakhat zong a thlah, tiah theih a si.

A luancia kum 2024 lio zong ah tlanglawng lam ṭhat lonak in cansualnak a rak chuak i India ram ah minung 288 an rak thi bal cang.