Kum 24 Hnu Ah Russia President Putin Nih North Korea Ram Ah Kim Jong Un A Va Ton

2024, June 18 ah North Korea hruaitu Kim Jong Un tong ding in Russia President Putin cu Korea ram, Pyongyang ah a ṭum. 2023, September thla kha an pahnih Russia ram ah an i ton hnunung bik a si.

Russia President Putin le North Korea hruaitu Kim Jong Un hi ram pahnih runvennak lei le i bawmhchanh naak kong ah remnak ser in minthut naak a tuah kho mi an si, tiah Russia media cheukhat nih an langhter.

Russia nih Ukraine a kahdohnak cung ah North Korea hruaitu Kim Jong Un nih a lunglomhnak tampi a langhter. Putin le Kim Jong Un nih thlanglei hmunram a hohmanh nih an humhak lo mi hmunhma cu chawlleh chawhrawl naak le runvennak phunglam sernak ah hmang ding in timhlamhnak an ngei, tiah North Korea state news agency nih a langhter.