Russia IL76 Thil Phorhnak Vanlawng RA-76846 Nih SAC Caah Thilri A Ṭhumhthlak Piak Ṭhan Hna

2024, June 17 ah Russia IL76 thil phorhnak vanlawng RA-76846 nih SAC ralhrang thilri pawl cu Nay-Pyi-Taw vanlawng bual ah a ṭhumhthlak piak hna, tiah Pyi Taw Air Force thawng laaknak hrampi nih a chim.

2024, June 17 zaan suimilam 10:00 tluk ah Russia IL76 thil phorhnak vanlawng RA-76846 cu Nay-Pyi-Taw vanlawng bual ah ṭum in SAC ralhrang thilri a ṭhumhthlak piak ṭhan hna, tiah theih a si.

Tutan Russia IL76 thil phorhnak vanlawng RA-76846 hi Nay-Pyi-Taw ah ni 2 chung caam aa tim. 2024, June 14 zong ah Nay-Pyi-Taw ah thilri a ṭhumhthlak piak cang hna, tiah an langhter.